Шууд Chart

ШУУРХАЙ МЭДЭЭ: Цагааннуур, Боршоо боомтыг ирэх сарын 2-ноос эхлэн 21 хоног түр хаана

2020-10-30 16:30:56

Засгийн газар ээлжит бусаар хуралдан Ковид-19 цар тахлын халдвараас урьдчилан сэргийлэх, эрсдэлийг бууруулах зорилгоор Монгол Улс, ОХУ-ын хилийн Цагааннуур, Боршоо боомтыг 2020 оны 11 дүгээр сарын 02-ны өдрөөс 21 хоногийн хугацаагаар хаахаар шийдвэрлэлээ.

Энэ нь хил залгаа бүс нутгуудад өвчлөл нэмэгдэж, цар тахлын хоёрдахь давалгааны улмаас олон орон хөл хориогоо чангатган, хилээ хаах, онц байдал тогтоох хүртэл арга хэмжээ авч байгаатай холбоотой юм. Ялангуяа сүүлийн өдрүүдэд улс хоорондын тээвэрт явж байгаа жолооч нараас халдвар илэрч байгаа нь байдлыг улам эрсдэлтэй болгож байна.

Одоогоор нийт 30 жолоочоос халдвар илэрсэн бөгөөд үүний хоёр нь өчигдөр шөнө Цагааннуурын боомтоор орж иржээ. Цагааннуур, Боршоо боомтоор голчлон нефтийн бүтээгдэхүүн, тэр дундаа баруун аймгуудын хэрэглээний нефтийн бүтээгдэхүүн оруулж ирдэг байна. "Ковид-19" цар тахлын халдварыг дотооддоо алдаагүй. Тандалт, шинжилгээг байнга хийж байгаа" гэж Эрүүл мэндийн сайд Т.Мөнхсайхан хэлэв.

Нийтэлсэн: Moнголын мэдээ

ШУУРХАЙ МЭДЭЭ: Цагааннуур, Боршоо боомтыг ирэх сарын 2-ноос эхлэн 21 хоног түр хаана  
Үзсэн: 268 Mongolian National Broadcaster  

Анхааруулга:

Та одоогоор сэтгэгдэл бичих боломжгүй байна!
MNB.mn сайтын редакц
Утас: 70127055

Бидэнтэй нэгдээрэй