Шууд Chart

Дархан сумын иргэдийг өнөөдрийн дотор коронавирусний шинжилгээнд хамрагдахыг уриалж байна

2020-11-25 14:28:18

Дархан-Уул аймгийн Дархан сумын иргэдийг өнөөдрийн дотор коронавирусний шинжилгээнд хамрагдахыг аймгийн Онцгой комиссоос анхааруулж байна. Дархан суманд коронавирусний нарийвчилсан шинжилгээ авч эхэлсэн. Ингэхдээ нэг өрхөөс нийгмийн харилцаанд хамгийн идэвхтэй оролцож байгаа гишүүнээс нь шинжилгээ авч тухайн өрхийн эрсдэлийг тооцож байгаа юм. Одоогийн байдлаар 12400 орчим иргэн шинжилгээ өгчээ. Шинжилгээг өнөөдрийн 22:00 цаг хүртэл авна. Хэрвээ энэ хугацаанд шинжилгээнд хамрагдахгүй бол нийгмийн харилцаанд оролцуулахгүй байх, гэрийг нь лацдах хүртэл арга хэмжээ авна гэдийг Дархан сумын Засаг дарга Т.Тулгаа хэлж байна.

Өмнө нь түргэвчилсэн оношлуураар шинжилгээ өгсөн иргэд ч гэсэн энэ шинжилгээнд хамрагдах шаардлагатай. Харин Дархан-Уул аймагт хөл хорионд байгаа өөр аймаг, сумын иргэдийн шинжилгээг нэгдсэн байдлаар авахаар бэлтгэл ажлыг хийж байгаа юм.


Дархан сумын иргэдийг өнөөдрийн дотор коронавирусний шинжилгээнд хамрагдахыг уриалж байна  
Үзсэн: 260 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй