Улсын хэмжээнд гамшгаас хамгаалах Бүх нийтийн өндөржүүлсэн бэлэн байдлын зэрэгт шилжсэн энэ цаг үед Цагдаа, дотоодын цэргийн алба хаагчид хорио цээрийн дэглэм сахиулах, олон нийтийн аюулгүй байдлыг хангах, хэв журам сахиулах чиглэлээр хөдөлгөөнт болон явган эргүүл, Улсын онцгой комисс, Нийслэлийн онцгой комиссын шийдвэрээр хөл хорио тогтоосон бүсэд орох, гарах хөдөлгөөнийг хязгаарлах, Тусгаарлах байруудад хяналт тавих зэргээр 24 цагаар үүрэг гүйцэтгэж байгаа билээ.

Иргэд та бүхнийг Улсын хэмжээнд гамшгаас хамгаалах Бүх нийтийн өндөржүүлсэн бэлэн байдлын зэрэгт шилжсэн энэ цаг үед онцын шаардлагагүй бол гэрээсээ гарахгүй байх, гэрээсээ гарах тохиолдолд цагдаагийн алба хаагчийн тавьсан хууль ёсны шаардлагыг биелүүлж, харилцан хүндэтгэлтэй хандахыг уриалж байна.

---

	Цагдаа нарын тавьсан шаардлагыг биелүүлж, харилцан хүндэтгэлтэй хандаарай
Үзсэн: 611	Mongolian National Broadcaster