Шууд Chart

Томас Бах ОУОХ-ны Ерөнхийлөгчөөр 2025 он хүртэл ажиллана

2020-12-02 12:23:58

Грекийн Афин хотноо 2021 оны гуравдугаар сард ОУОХ-ны 137 дугаар чуулганы үеэр Олон улсын олимпын хороо /ОУОХ/-ны Ерөнхийлөгчийн сонгуулийн тов зарлагдсан билээ.

Уг сонгуулийн талаар ОУОХ-ны Ёс зүйн комиссын дарга, ноён Бан Ги Мүн, Ёс зүй, хууль дүрэм сахиулах асуудал хариуцсан мэргэжилтэн Пакере Заппелли нар өчигдөр одоогийн Ерөнхийлөгч Томас Бах энэ сонгуульд өрсөлдөх цор ганц нэр дэвшигчээр тодорсон гэдгийг албан ёсоор зарлав.

Ингэснээр тэрбээр үүрэгт ажлаа 2025 он хүртэл дахин болон сонгуулийнхаа сүүлчийн дөрвөн жил улиран гүйцэтгэхээр боллоо.

ОУОХ-ны дүрмээр 2013 онд сонгогдсон өнөөгийн Ерөнхийлөгчид найман жилийн эрх мэдэл олгосон билээ.

Томас Бах нь “Монреаль-1976” олимпын туялзуур сэлэмний багийн аварга цолтон бөгөөд 1991 оноос ОУОХ-ны гишүүн, 2013 оноос ОУОХ-ны Ерөнхийлөгчийн албыг хашиж байна.

Нийтэлсэн: У.Баярсайхан

Томас Бах ОУОХ-ны Ерөнхийлөгчөөр 2025 он хүртэл ажиллана   
Үзсэн: 221 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй