Шууд Chart

Репер Mrs M продюсер Харри Фраудтай хамтарчээ

2020-12-04 11:58:56

Монголын хип хоп бүсгүйчүүдийн нэг Mrs M болон продюсер Харри Фрауд нарын хамтын бүтээл "Sugar daddy" дууны ремикс хувилбар үзэгч, сонсогчдод хүрч эхэллээ.

Харри Фрауд нь Фрэнч Монтана, Виз Калифа, Бэнни дэ Батчер нарын зэрэг алдартантай продюсероор ажиллаж байсан юм.

2016 оноос уран бүтээлээ хийж эхэлсэн Mrs M нь өнгөрсөн жил англиар уран бүтээлээ туурвих болсон нь Фраудын анхааралд өртсөн байна. Улмаар "Sugar Daddy" дууг нь Монгол, Англи хэлээр хослуулан дуулжээ.

Тэд "Wave Cave" студид дахин гурван уран бүтээл хийж эхлээд байгаа бөгөөд 2021 оны хоёрдугаар сард нийтэд хүргэх гэнэ.

Нийтэлсэн: У.Баярсайхан

Репер Mrs M продюсер Харри Фраудтай хамтарчээ  
Үзсэн: 961 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй