Шууд Chart

Улаанбаатар хотод 7, Сэлэнгэ аймагт 4, Дархан-Уул аймагт 1 тохиолдол шинээр илэрлээ

2020-12-04 12:04:29

Эрүүл мэндийн яамнаас Covid-19-ийн нөхцөл байдлын талаар цаг үеийн ээлжит мэдээлэл хийлээ. 2020.12.03-ны өдрөөс хойших 24 цагийн хугацаанд ХӨСҮТ, ЗӨСҮТ, орон нутгийн 2 авто лаборатори болон Дархан-Уул, Сэлэнгэ, Орхон, Дорнод аймгийн салбар лабораторид нийт 19.680 хүнд шинжилгээ хийхэд 12 хүнээс “Ковид-19” халдвар илэрсэн байна.
 
Тухайлбал Улаанбаатар хотод 7, Сэлэнгэ аймагт 4, Дархан-Уул аймагт 1 тохиолдол шинээр илэрчээ.
 
• Улаанбаатар хотод илэрсэн 7 тохиолдлын 2 нь ХӨСҮТ-ийн ариутгагч, 1 нь “Автобус бааз”-ын жолооч ажилтай иргэн байна. “Автобус бааз”-ын жолоочийг 11 дүгээр сарын 30-нд халдварын батлагдсан тохиолдлын 2-догч хавьталд тооцон тусгаарласан байна. Мөн ойрын хавьтал 17 хүнийг тусгаарлан PCR шинжилгээнд хамруулсан бөгөөд “Автобус бааз”-ын 400 гаруй жолоочоос түргэвчилсэн оношлуураар шинжилгээ авч, дараагийн шатны шинжилгээ, тандалт судалгаанд хамруулаад байна.
 
 • Сэлэнгэ аймагт илэрсэн 4 тохиолдлын 3 нь халдвартай иргэний ойрын хавьтал болох гэр бүл, 1 нь эрүүл мэндийн байгууллагын ажилтан байна.
 • Дархан-Уул аймагт илэрсэн 1 тохиолдлын ойрын болон дам хавьтлын тандалт, судалгааг хийж байна.
 Монгол Улсад “Ковид-19” халдварын нийт батлагдсан тохиолдол 831 боллоо.
 • Халдварын голомтлон гарсан тохиолдол 448, гаднаас зөөвөрлөгдөн орж ирсэн тохиолдол 383 байна.
 
 МОНГОЛ УЛС ДАХЬ БАГЦ ӨВЧЛӨЛИЙН ГОЛОМТ:
 
 • Улаанбаатар -96
 • Сэлэнгэ -193
 • Дархан-Уул -45
 • Дорноговь -21
 • Орхон -24
 • Говьсүмбэр -4
 • Архангай -3
 
 УЛААНБААТАР ХОТ ДАХЬ БАГЦ ӨВЧЛӨЛИЙН ГОЛОМТ:
 
• Баянгол дүүрэг -26
 • Баянзүрх дүүрэг -24
 • Чингэлтэй дүүрэг -1
 • Сүхбаатар дүүрэг -14
 • Сонгинохайрхан дүүрэг -14
 • Хан-Уул дүүрэг -16
 • Багануур дүүрэг -1
 
 БАГЦ ӨВЧЛӨЛИЙН ГОЛОМТ, ХОРООГООР:
 
• Баянгол - 1, 2, 3, 4, 6, 7, 9, 10, 18-р хороо
 • Баянзүрх - 4, 10, 14, 15, 22-р хороо
 • Сүхбаатар – 7, 12, 13, 16, 18-р хороо
 • Сонгинохайрхан – 1, 7, 16, 19, 20-р хороо
 • Хан-Уул – 4, 10, 16, 21-р хороо
 • Чингэлтэй - 19-р хороо
 • Багануур - 4-р хороо
 
Өнөөдрийн байдлаар “Ковид-19” халдварын батлагдсан тохиолдол болох ХӨСҮТ-д 249, Цэргийн төв эмнэлэгт 208 хүн эмчлүүлж байгаагаас биеийн байдал маш хүнд 3, хүнд 5, хүндэвтэр 75, хөнгөн 374 байна.
Нийтэлсэн: Эрүүл мэндийн яам

Улаанбаатар хотод 7, Сэлэнгэ аймагт 4, Дархан-Уул аймагт 1 тохиолдол шинээр илэрлээ  
Үзсэн: 332 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй