Шууд Chart

Италид зул сарын баяраар муж хооронд зорчихыг хориглоно

2020-12-05 12:48:33

Зул сарын баяр дөхөж, хөл хөдөлгөөн нэмэгдэхээр байгаатай зэрэгцэн Италийн засгийн газар хөл хориог чангатгах арга хэмжээг авахаар болжээ. Тус улсын засгийн газар зул сарын баяраар муж хооронд зорчих, аялал хийхийг хориглоно гэдгээ илэрхийлжээ.

Тодруулбал, 12 дугаар сарын 21-ээс 1 дүгээр сарын 6-ны өдрийн хооронд Италийн иргэд  муж хооронд зорчих боломжгүй болно. Үүнээс гадна энэ хугацаанд шөнийн хөл хорио зарлагдана.  Үдшийн 22 цагаас үүрийн 05 цагийн хооронд хөл хорио зарлагдах юм. Италийн зарим мужид  зоогийн газрууд оройн 18 цаг хүртэл ажиллах юм. Ийнхүү ирэх өдрүүдэд Италид коронавирусний тархалтаас сэргийлэхтэй холбоотой хөл хориог чангатгахаар байгаа нь сүүлийн үед тус улсад халдварын тохиолдлын тоо огцом нэмэгдсэнтэй холбоотой юм.

Тус улсад өдөрт 1000 орчим өвчтөн нас барж байна. Ерөнхий сайд Жузеппе Конте цар тахлын гурав дахь давлагаанд өртөх бүхий л эрсдэлийг арилгаж, урьдчилан сэргийлэх арга хэмжээг авах ёстой гэдгийг хэлсэн байна.  Гэхдээ зарим мужийн захирагч төв засгийн газрын хөл хорионы шинэ журмыг эсэргүүцэж байгаагаа илэрхийлжээ. Засгийн газар мужуудын захирагчтай нэгдсэн байдлаар ярилцаж, хэлэлцээгүй ийм шийдвэр гаргасан гэж шүүмжилсэн байна.  Италид коронавирусний халдвар авч, нас барсан хүний тоо 58 мянгыг даваад байгаа юм.

Нийтэлсэн: Moнголын мэдээ

Италид зул сарын баяраар муж хооронд зорчихыг хориглоно   
Үзсэн: 358 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй