Шууд Chart

Зорилтот бүлгийн хүүхдүүдэд хүнсний дэмжлэг үзүүлж байна

2020-12-05 14:51:23

Гамшгаас хамгаалах бүх нийтийн бэлэн байдлын зэрэгт шилжиж улсын хэмжээнд хөл хорионы дэглэм тогтоосонтой холбогдуулан ерөнхий боловсролын сургуулийн үдийн цай, дотуур байр, цэцэрлэгийн хүүхдийн хоол, хүнсэнд зарцуулахаар нөөцөлсөн хүнсний түүхий эд, бүтээгдэхүүнийг сургууль, цэцэрлэгийн насны, зорилтот бүлгийн хүүхдүүдэд түгээх ажил энэ долоо хоногт орон даяар эхэлсэн.

Хүнсний дэмжлэг үзүүлэх ажлыг 2020 оны 12 дугаар сарын 10-ны өдөрт багтаан зохион байгуулж дуусгах бөгөөд одоогоор 3000 гаруй хүүхдэд дэмжлэгийг хүргээд байна. Энэхүү ажил нь Монгол Улсын Засгийн газрын 2020 оны 11 дүгээр сарын 23-ны өдрийн 188 дугаар “Бүх нийтийн бэлэн байдалд шилжсэнтэй холбогдуулан авах арга хэмжээний тухай ” тогтоол, Боловсрол, шинжлэх ухааны сайдын 2020 оны 11 дүгээр сарын 27-ны өдрийн А/162 дугаар “Хүнсний дэмжлэг үзүүлэх тухай” тушаалын дагуу авч хэрэгжүүлж буй арга хэмжээ юм.

Мөн БШУЯ-аас хүнс түгээлтийн зохион байгуулалт, явцын талаар аймаг, нийслэлийн Боловсрол, соёл, урлагийн газрын дарга нартай цахим хурал хийж, зөвлөмж, чиглэл өглөө.


Зорилтот бүлгийн хүүхдүүдэд хүнсний дэмжлэг үзүүлж байна  
Үзсэн: 255 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй