Шууд Chart

ОУХМ Г.Алтанбагана долоодугаар байр эзлэв

2021-01-14 09:13:18

“Doha-2021 World Masters” тэмцээний гурав дахь буюу сүүлийн өдөр манай улсын тамирчдаас эрэгтэйчүүдийн -90кг жинд ОУХМ Г.Алтанбагана /Армийн дэлхийн аварга, Азийн наадмын мөнгөн медальт/ +100кг жинд ОУХМ Ө.Дүүрэнбаяр /ДАШТ-ий хүрэл медальт/ нар зодоглосон юм.

Ө.Дүүрэнбаяр эхний тойрогт Израилын олимпын хүрэл, Европын наадам, Европын АШТ-ий мөнгөн медальт Ор Сассонд цэвэр ялагдлаа.

Харин Г.Алтанбагана эхний тойрогт 2018 оны Армийн дэлхийн аварга Бразилын Македо Рафаелийг вазари үнэлгээгээр ялсан бол дараагийн тойрогт Италийн Николас Мунгаиг ялсан ч хэсгийн аваргын төлөө 2019 оны дэлхийн аварга Голландын Ноэл ван Т Эндэд ялагдсан.

Дагах барилдаанд залуучуудын дэлхийн аварга, 2019 оны Мастерсийн аварга Гүржийн Лаша Бекаурид иппон үнэлгээгээр цэвэр ялагдсанаар жиндээ долоодугаар байрт шалгарч тэмцээнээ дуусгалаа.

Нийтэлсэн: У.Баярсайхан

ОУХМ Г.Алтанбагана долоодугаар байр эзлэв  
Үзсэн: 172 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй