Өмнөд Хятадын тэнгис дэх Бээжингийн үйл ажиллагаатай холбоотойгоор АНУ Хятадын зарим албаныханд визийн хориг тавихаа мэдээлсэн байна. Жо Байден Ерөнхийлөгч болохоос ердөө долоо хоногийн өмнө АНУ-ын Төрийн нарийн бичгийн дарга Майк Помпео ийнхүү мэдээлжээ.

Хоригт Хятадын төрийн өмчит компанийн тэргүүнүүд, Коммунист намын албан тушаалтан болон Ардын чөлөөлөх армийн албаныхан ч багтаж байна. БНХАУ Өмнөд Хятадын тэнгисийн ихэнх хэсгийг газар нутгийнхаа нэг хэсэг гэж үздэг. Гэхдээ энэ бүс дэх зарим орон БНХАУ-тай далайн хилийн маргаантай байдаг юм.