Монгол Улсын Ерөнхий сайд У.Хүрэлсүх албан тушаалаас огцрох болсоноо мэдэгдсэнтэй холбогдуулан өнөөдөр УИХ-ын Төрийн байгуулалтын байнгын хороо хуралдсан.

Харин одоо УИХ-ын чуулганы нэгдсэн хуралдаанаар энэ асуудлыг хэлэлцэж байна. Хуралдаанд УИХ-ын Төрийн байгуулалтын байнгын хорооны санал дүгнэлтийг УИХ-ийн гишүүн Д.Тогтохсүрэн танилцууллаа. Тус байнгын хорооны хуралдаанаас Монгол Улсын Ерөнхий сайд Ухнаагийн Хүрэлсүхийг огцоруулах саналыг дэмжжээ.

Хэлэлцэж байгаа асуудалтай холбогдуулан Монгол Улсын Ерөнхийлөгч Х.Баттулга болон УИХ-ын гишүүд үг хэлсэний дараагаар санал хурааж, чуулганы нэгдсэн хуралдаанд оролцсон 63 гишүүний 60 гишүүн буюу 95.2 хувийн саналаар У.Хүрэлсүхийг Монгол Улсын Ерөнхий сайдын үүрэгт ажлаас өөрийнх нь хүсэлтээр чөлөөллөө.