Шууд Chart

БНСУ гадаад оюутны “D-2” визийг олгох түр журам гаргалаа

2021-02-23 14:36:21

 
БНСУ-ын ХЗЯ-аас коронавируст халдвар /Covid-19/ цар тахлын улмаас нутаг буцах хугацаа нь хойшлогдсон, тодорхойгүй байгаа дараах гадаад иргэдийн их, дээд сургуульд суралцах “D-2” ангиллын виз авах хүсэлтийг 2021 оны 2 дугаар сарын 18-ны өдрөөс 3 дугаар сарын 05-ны өдрийн хугацаанд хүлээн авч шийдвэрлэх түр журмыг гаргасан байна.
 
БНСУ-ын их дээд сургуульд суралцах боломжтой “D-2” ангиллын виз авах хүсэлтийг дараах иргэд гаргах боломжтой. Үүнд:
 
1. 2021 оны 1 дүгээр улиралд эхлэх хичээлийн жилд суралцахаар их дээд сургуульд элсэж, суралцах эрхээ авсан иргэд.
2. 2020 оны 2 дугаар улирлын хичээлээс чөлөө авч 2021 оны 1 дүгээр улиралд тухайн суралцаж байсан сургуульдаа эргэн суралцах хүсэлт гаргаж, суралцах эрхээ авсан иргэд тус тус хамаарна.
 
Дараах нөхцлүүдийн аль нэг нь байгаа тохиолдолд түр журмын хүрээнд виз олгохоос татгалзана. Үүнд:
1. Оршин суух хугацаа сунгахаас татгалзсан тухай мэдэгдэх хуудас авсан эсхүл БНСУ-ын “Гадаадын иргэний эрх зүйн байдлын тухай” хуулийн дагуу хилээр гарах мэдэгдэл авсан.
2. Одоо мөрдөгдөж буй журмын дагуу “D-2” ангиллын виз рүү “D-3”, “E-9”, “E-10”, “G-1” ангиллын визтэй иргэд ангилал өөрчлөх боломжгүй.
3. Өмнө суралцах хугацаанд хичээлдээ бүрэн хамраагүй зэрэг суралцах виз олгохоос татгалзах үндэслэл болох зөрчил гаргасан зэрэг болно.
 
Түр журамтай холбоотой нарийвчилсан мэдээллийг БНСУ-ын ХЗЯ-ны тусгай дугаар “1345” болон www.hikorea.go.kr цахим хуудаснаас авна уу.
 
МОНГОЛ УЛСААС БНСУ-Д СУУГАА
ЭСЯ-НЫ КОНСУЛЫН ХЭЛТЭС

БНСУ гадаад оюутны “D-2” визийг олгох түр журам гаргалаа   
Үзсэн: 1992 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй