Шууд Chart

БОАЖ-ын сайд Н.Уртнасан Япон улсын Элчин сайдыг хүлээн авч уулзав

2021-03-01 17:05:52

БОАЖ-ын сайд Н.Уртнасан өнөөдөр Япон улсаас Монгол Улсад суугаа онц бөгөөд бүрэн эрхт Элчин сайд Кобаяши Хироюкитай уулзаж, цаашдын хамтын ажиллагааны хүрээнд хийж, хэрэгжүүлэх ажлууд тэр дундаа ой бүхий талбайн хэмжээг нэмэгдүүлэх, аялал жуулчлалын хамтын ажиллагааг өргөжүүлэх талаар санал солилцож ярилцлаа.

БОАЖ-ын сайд Н.Уртнасан хэлэхдээ Монгол-Японы Байгаль орчны яамдын Бодлогын зөвлөлдөх уулзалт нь бусад салбарт жишиг болохуйц хамтын ажиллагааны механизм болсныг онцлоод цаашид хоёр орны байгаль орчныг хамгаалах, хүрээлэн буй орчны бохирдлыг бууруулах чиглэлд хамтын ажиллагааг өргөжүүлж, үр дүнтэй ажиллана гэж итгэж байгаагаа илэрхийлсэн юм.

Элчин сайд Кобаяши Хироюки Япон улсын Засгийн газар болон Байгаль орчин, аялал жуулчлалын яам олон жилийн турш хамтран ажиллаж тодорхой үр дүн гарсныг дурьдаад цаашид байгаль орчин, аялал жуулчлалын салбарт тулгамдаж буй асуудлыг шийдвэрлэхэд дэмжин ажиллахаа илэрхийлэв.

Эх сурвалж: БОАЖЯ


БОАЖ-ын сайд Н.Уртнасан Япон улсын Элчин сайдыг хүлээн авч уулзав   
Үзсэн: 321 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй