Шууд Chart

Болзолт уралдааны ялагчдыг Азийн наадам үзэх эрхээр урамшуулна

2022-01-14 09:18:58

МҮОХ Монголын үндэсний олимпын академитай хамтран улсын хэмжээний бүх ерөнхий боловсролын сургуулийн дунд зарласан “Олимпын боловсрол ба бие бялдрын хүмүүжил” сэдэвт болзолт уралдааны талаарх мэдээллийг сэтгүүлчдэд өглөө.

Тус хэвлэлийн хуралд МҮОХ-ны ерөнхийлөгчийн үүрэг гүйцэтгэгч Ч.Наранбаатар, Монголын үндэсний олимпын академийн дэд ерөнхийлөгч Б.Буяндэлгэр, Нийслэлийн боловсролын газрын Биеийн тамирын боловсрол, удирдлагын хөгжил хариуцсан мэргэжилтэн А.Гантулга, МҮОХ-ны Олимпын боловсрол хариуцсан мэргэжилтэн З.Гомбодорж нар оролцов.

“Олимпын боловсрол ба бие бялдрын хүмүүжил” сэдэвт болзолт уралдаан өнгөрсөн оны арванхоёрдугаар сарын 27-ноос ирэх тавдугаар сарыг 1-ний хооронд үргэлжлэх аж. Энэ удаагийн болзолт уралдааныг БШУЯ, БТСУХ-ноос дэмжин ажиллаж буйгаараа онцлог юм.

Уралдааны хүрээнд манай орны ерөнхий боловсролын сургуулиудын олимпын танхимын үйл ажиллагааг эрчимжүүлэх, бие бялдрын хүмүүжлийн ажлын чанар, үр дүнг дээшлүүлэх, биеийн тамирын багш нарын ажлын хариуцлага, идэвх санаачилгыг нэмэгдүүлэх зэрэг олон талын ач холбогдолтой юм.

Энэ хүрээнд дараах зорилтуудыг шийдвэрлэхээр төлөвлөөд байна:

-Аймаг, дүүргийн олимпын зөвлөлүүд болон Биеийн тамир, спортын газруудын уялдаа холбоог нэмэгдүүлэх, үр дүнг дээшлүүлэх:

-Өсвөр үеийнхэнд олимпын боловсрол олгох ажлын агуулга, хэлбэр, үр дүн, ач холбогдлыг сайжруулах:

-Ерөнхий боловсролын сургуулиуд дахь олимпын танхимын үйл ажиллагааг эрчимжүүлэх:

-Биеийн тамирын хичээлийн агуулгыг баяжуулах, явуулах хэлбэрийг өргөжүүлэх:

-Биеийн тамирын багш нарын бүтээлч идэвх, санаачилгыг дэмжих, хөдөлмөрийн үр дүнг үнэлэх асуудал тус тус орно.

Болзолт уралдааны ялагчдыг “Ханжоу-2022” Азийн наадам үзэх эрхээр урамшуулахаар төлөвлөснийг МҮОХ-ны ерөнхийлөгчийн үүрэг гүйцэтгэгч Ч.Наранбаатар хэлэв.

Өмнөх болзолт уралдаанд 21 аймаг, найман дүүргийн 350 гаруй ерөнхий боловсролын сургууль хамрагдаж, үүний хүрээнд спорт, олимпизмыг сурталчлан таниулсан 1000 гаруй арга хэмжээ зохиогдож, 300 мянга гаруй хүн хамрагдаж байжээ.

Нийтэлсэн: У.Баярсайхан

Болзолт уралдааны ялагчдыг Азийн наадам үзэх эрхээр урамшуулна  
Үзсэн: 179 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй