Шууд Chart

Харцага цолны хүндэтгэлийн барилдаан энэ ням гарагт болно

2022-01-14 12:13:31

“Жем интернэшнл” группийн нэрэмжит Монгол Улсын харцага цолд хүндэтгэл үзүүлэх улс айгийн алдар цолтой 256 бөхийн уламжлалт барилдаан энэ сарын 16-нд Монгол бөхийн өргөөнд болно.

Уг барилдаанд зодоглох бөхчүүдийг өнөөдөр, маргааш 10:00-17:00 цагийн хооронд цахимаар бүргэж байгаа аж.

Сонирхуулахад, дээрх барилдааныг жил бүрийн цагаан сарын өмнө зохион байгуулагддаг уламжлалтай бөгөөд хамгийн анх 2006 онд болж байв.

Тэр жил Хөвсгөл аймгийн Улаан-Уул сумын уугуул, Монгол Улсын гавьяат дасгалжуулагч, улсын харцага Г.Элбэг түрүүлж, Говь-Алтай аймгийн Бугат сумын харьяат, улсын начин Ду.Батбаяр үзүүрлэж байлаа.

Нийтэлсэн: У.Баярсайхан

Харцага цолны хүндэтгэлийн барилдаан энэ ням гарагт болно  
Үзсэн: 222 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй