Шууд Chart

“Apple” шинэ загварын iPhone-оо хамгийн олон тоогоор угсруулахаар захиалжээ

2014-08-22 13:57:09

Ирэх намар шинэ загварын iPhone утасны эрэлт дахиад дээд амжилт тогтооно гэж Apple найдаж байна. Эднийх 4,7х5,5 дюйм дэлгэцтэй шинэ гар утсаа арванхоёрдугаар сарын 30-наас өмнө 70-80 сая ширхэг угсруулахаар захиалсан нь ингэж дүгнэх үндэс болж байгааг “Wall Street Journal” сонинд бичжээ. 4 дюймийн дэлгэцтэй iPhone 5S, iPhone 5с хэмээх хоёр шинэ загвараа түрүү жил 50-60 сая ширхэг үйлдвэрлүүлэхээр захиалж байсныг энд дурдахад хангалттай юм. Эндээс үзвэл, өрсөлдөгчдийнх нь, ялангуяа Samsung-ийн ухаалаг гар утсуудад хэмжээний хувьд ойртсон шинэ төхөөрөмжүүдийг нь зах зээл тэсэн ядан хүлээж байгаа гэж Apple тооцож байгаа бололтой.

Түүний сацуу 400 доллараас дээш буюу iPhone-тай нэг ангилалд багтах үнээр зарагдсан Android гар утаснуудын 98 хувь нь 5 болон түүнээс дээш дюймийн харьцаатай том дэлгэцтэй байсныг судалгааны “Counterpoint Research” компанийн өнгөрсөн тавдугаар сарын мэдээг харуулж байгаа юм.

Одоохондоо албан бусаар iPhone 6 гэж нэрлэгдэж байгаа шинэ загварын хоёр ухаалаг гар утас хоёулаа металл эх биетэйгээс гадна өнгөний хэд хэдэн сонголттой байж магадгүй байгаа юм. Apple уг шинэ төхөөрөмжүүдээ урьд жилүүдийн нэгэн адил есдүгээр сарын дундуур танилцуулж, үүнээс нэгээс хоёр долоо хоногийн дараа худалдаанд гаргах магадлалтай юм.

Орчуулагч, редактор Л.Пүрэвдолгор


“Apple” шинэ загварын iPhone-оо хамгийн олон тоогоор угсруулахаар захиалжээ  
Үзсэн: 1242 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй