Шууд Chart

"Samsung" Wi-Fi-ийн хурдыг тав дахин нэмэгдүүлсэн гэв

2014-10-14 10:53:40

Өмнөд Солонгосын "Samsung Electronics" компани "Wi-Fi"-ийн өгөгдөл дамжуулах одоогийн хурдыг тав дахин нэмэгдүүлэх технологийг хөгжүүлснээ зарлалаа. Тус компанийн мэдээлснээр инженерүүд нь дамжуулах хурдыг нэмэгдүүлэхэд саад болж байсан техникийн томоохон хоёр асуудлыг шийдсэн байна. Өөрөөр хэлбэл, "Samsung"-ийн амлалт бодитой бол нэг гигабайт файлыг гурван секунд хүрэхгүй хугацаанд дамжуулах боломж бүрджээ.

Тус компанийн мэдэгдэлд онцлосноор инженерүүд нь 60 гигагерцийн "Wi-Fi" дээр ажиллаж байгаа бөгөөд одоогийн wi-fi системүүд 2.4 болон 5 гигагерцийн давтамж ашигладаг байна. "Wi-fi"-д олон төхөөрөмж холбогдсон үед хурд саардаг байдлыг хязгаарласны зэрэгцээ антенныг сайжруулснаар сигналыг илүү хол зайд, илүү чанартай дамжуулах боломж бүрдсэн гэж "Samsung" мэдэгджээ. Ямартай ч 60 гигагерцийн wi-fi стандарттай анхны бүтээгдэхүүнүүд 2015 онд зах зээлд гарна гэсэн хүлээлттэй байна.

РАЛЬДИЙ.А /shuum.mn/

Нийтэлсэн: РАЛЬДИЙ.А

"Samsung" Wi-Fi-ийн хурдыг тав дахин нэмэгдүүлсэн гэв   
Үзсэн: 1060 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй