Шууд Chart

Анхны түүхий резиний үйлдвэр нээлтээ хийлээ

2014-12-02 13:48:21

Түүхий резин, резинэн бүтээгдэхүүн үйлдвэрлэх "Мэйнспринг" ХХК-ийн түүхий резиний үйлдвэрийн нээлтийн арга хэмжээ Эрдэнэт хотод боллоо.

Энэхүү үйлдвэр нь Монгол Улсын хамгийн анхны түүхий резиний үйлдвэр болж байгаа юм.

Манай улс одоогоор Хятад, Орос зэрэг орнуудаас түүхий резинийг голлон импортлодог бөгөөд тус үйлдвэр нээгдсэнээр эхний ээлжинд Эрдэнэт хотын түүхий резиний хэрэглээг бүрэн хангаж цаашид өргөжин тэлэх бүрэн боломжтой юм байна.

Түүхий резиний үйлдвэр нь Тайвань улсаас оруулж ирсэн бүрэн автомат тоног төхөөрөмжөөр тоноглогдсон бөгөөд түүхий эд болох каучукийг Вьетнамаас оруулж ирдэг байна. Түүнчлэн цэвэр каучукаар хийж байгаа учраас тус үйлдвэрийн түүхий резин нь импортоор оруулж ирдэг резин болон резинэн бүтээгдэхүүнээс илүү чанартай гэнэ.

Нийтэлсэн: Д.Жамбалдорж

Анхны түүхий резиний үйлдвэр нээлтээ хийлээ  
Үзсэн: 1368 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй