Шууд Chart

"Тэнэг" цагийг ухаалаг болгоно

2015-01-08 13:46:16

Зүүдэг технологи буюу Kairos T-Band  нь дурын аналог бугуйн цагтай холбогддог бугуйвч юм. Үүний ачаар хэрэглэгч хэдэн удаа алхсан, зүрхний цохилт хэд байгаа гэх мэтийн мэдээллийг харахаас гадна утсанд шуудан ирж, хүн залгаж байгааг мэдэж болох юм.

Бүтээгчид нь нийт гурван төрлийн бугуйвч санал болгож байгаа бөгөөд дэлгэцгүй, нуугдмал лед дэлгэцтэй, PMoled дэлгэцтэй гэсэн гурван төрөл юм байна.
Дэлгэцгүй хувилбар нь технологид дуртай гэхээсээ илүүтэй эрүүл мэнддээ анхаарч, цэнэгээ удаан барьдаг зүйл хэрэглэхийг хүсэгчдэд зориулагджээ.
Компанийн танилцуулснаар ийм бугуйвч нь долоо ба түүнээс дээш хоног цэнэгээ барина. Хэрэглэгчид лед заагч болон чичрэх системийн тусламжтай мэдээлэл дамжуулах аж. Хэдийгээр дэлгэцгүй ч гэсэн энэ бугуйвч нөгөө хоёрынхоо адил цахим шуудан ирж, хүн залгаж байгааг ч төвөггүй ойлгуулна.
Харин нуугдмал болон PMoled дэлгэцтэй загварууд нь илүү дэвшилттэй бөгөөд аналог цагандаа хайртай, технологийн хорхойтонд зориулагдсан байна. 

Нийтэлсэн: Д.Жамбалдорж

"Тэнэг" цагийг ухаалаг болгоно  
Үзсэн: 1792 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй