Шууд Chart

Царайны хувирлыг таних чадвартай "Пеппер" робот

2016-01-30 09:25:17

 Японы Пеппер роботод зориулсан шинэ аппликэшн, хэрэглүүрүүдийг танилцуулдаг Пеппер Уорлд олон улсын ээлжит бага хурал зохион байгуулагдлаа. Ажил үүрэг гүйцэтгэх гэхээсээ илүү хүмүүсийг хөгжөөх, харилцаа холбоог сайжруулах, эерэг сэтгэгдэл төрүүлэх, хүнийг гадаад ертөнцтэй холбох зориулалтаар СофтБанк компани тус роботыг бүтээсэн юм. Иймээс Пеппер робот хүний царай, дуу хоолойны өнгөнөөс сэтгэл хөдлөл унших, бас хүнтэй харилцан ярилцах чадвартай. Энэ робот 200 мянган иен буюу ойролцоогоор 1,600 америк доллар гэх тун боломжийн үнэтэй юм.

Үүнтэй холбоотойгоор сүүлийн хагас жилийн хугацаанд 6 мянга гаруй Пеппер робот зах зээлд гарсан даруйдаа худалдаалагдаж дуусчээ. Японы 200 гаруй компани дэлгүүр болон албан байрууддаа Пеппер роботыг ашиглаж эхлээд байгаа юм. Тус роботын онцлог нь яг л андройд болон Ай-Өү-Эс системийн ухаалаг гар утас шиг шинэ аппликешнуудын тусламжтайгаар нэмэлт чадвар суулгах боломжтой юм байна. Эдгээр шинэ аппликешнийг танилцуулах зорилготой энэ удаагийн бага хуралд 50 програм хөгжүүлэгчид оролцжээ. Пеппер роботын царайны хувирлыг ажиглах чадвар дээр суурилсан олон аппликешн Пеппер Уорлд 2016 бага хуралд танилцуулагдлаа.

Эдгээрийн дотор хүний нас, хүйсийг ажиглаж тогтоон, харилцан ярианд үндэслэн хувцас сонгоход нь туслах, Эм-Ар-Ай оношилгооны талаар тайлбарлах зэрэг шинэ чадвар Пеппер роботод суулгах аппликешнүүд багтсан байна.

Нийтэлсэн: Э.Энхрэл

Царайны хувирлыг таних чадвартай "Пеппер" робот  
Үзсэн: 2230 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй