Шууд Chart

"Ухаалаг ирээдүй” боловсролыг дэмжих төслийг хэрэгжүүлнэ

2016-03-30 13:03:16

Дархан-Уул аймгийн ЗДТГ, “Юнайтед менежмент консалтинг” компани хамтран “Ухаалаг ирээдүй” боловсролыг дэмжих төсөл хэрэгжүүлнэ. Энэ төсөл хүүхэд, залууст ирээдүйн мэргэжлээ зөв сонгоход нь туслах зорилготой юм. 

Ирэх сарын эхээр “Боловсролын үзэсгэлэн” зохион байгуулж, аймгийн Ерөнхий боловсролын сургуулиудын төгсөх ангийн сурагчдын дунд “Мэргэжлийн сонирхол”, “Карьерийн чиг баримжааг үнэлэх” асуулга явуулах юм. Дээрх асуулгын тестийг олон улсын комисс болон Франц, АНУ, Англи зэрэг улсын Сэтгэл судлалын нийгэмлэгүүд хүлээн зөвшөөрсөн байдаг байна.

Мөн ирэх сарын 2-4-нд “Менежерийн ур чадвар”, “Шалтгаант холбоо хамаарлыг тогтоох оюуны чадамж”, “Хувь хүний онцлог шинжийг том тавын үзүүлэлтээр тодорхойлох”, “Сэтгэл хөдлөлөө удирдах оюуны чадамж”, “Бизнесийн Англи хэлний түвшин тогтоох”, “Борлуулалт хийх чадвар” зэрэг тестийн асуулгад наймдугаар ангиас дээш насныхан өөрийн сонирхлоор хамрагдах боломжтой юм байна.

Нийтэлсэн: Moнголын мэдээ

"Ухаалаг ирээдүй” боловсролыг дэмжих төслийг хэрэгжүүлнэ   
Үзсэн: 1952 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй