Шууд Chart

Их тойрууд тохижилтын ажил хийж байна

2016-05-30 08:36:34

“АСЕМ”-ын бэлтгэлийг хангах ажлын хүрээнд Их тойруу буюу 100 айлын уулзвараас Сансарын аюулгүйн тойрог хүртэл явган хүний замын хавтанг нөхөн сэргээх, сул шороо ихтэй, ногоон байгууламж хийх боломжгүй налуу даланг эко хавтангаар хучих ажлыг хийж байна.

Одоогоор хуучин 410 метр квадрат эко хавтанг хуулж, шинээр 521 метр квадрат эко хавтанг суулган, 300 метр квадрат явган хүний замыг бетоноор цутган, 200 урт метр хашлага тавьж, 280 метр куб зам талбайг тэгшлэн “Mongolians” рестораны баруун талын талбайн хур хог, шороог ачиж тээвэрлэлээ.

Мөн Сансарын аюулгүйн тойргоос Нарантуул захын уулзвар хүртэл тохижилтын ажлыг хийж эхэлсэн. Энэхүү ажлын хүрээнд Баянцээлийн урд талын туслах замын нөхөөс 100 м.кв талбайн нөхөөс хийж, шаардлага хангахгүй 787 хайс хашлага, 4 мэдээллийн самбарыг буулгав.

“Сандэй” худалдааны төвийн урд талын ногоон павилонуудын дундах гарц, Кэмпински зочид буудлын баруун талын хоёр гарц, Сандэй худалдааны төвийн урд талын, баруун хойд талын ХӨСҮТ-рүү эргэдэг гарц, Сандэй худалдааны төвийн баруун талын 107.5 фм-тэй байрны гарцыг хийсэн. Мөн 21 худгийн түвшинг тааруулж явган хүн чөлөөтэй зорчих боломжийг бүрдүүллээ.


Их тойрууд тохижилтын ажил хийж байна  
Үзсэн: 499 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй