Шууд Chart

Ерөнхийлөгч Ц.Элбэгдорж АСЕАН-ы Ерөнхий нарийн бичгийн дарга Ле Луонг Минь-ийг хүлээн авч уулзав

2016-07-17 08:15:25

Монгол Улсын Ерөнхийлөгч Ц.Элбэгдорж АСЕМ-ын дээд түвшний 11 дүгээр уулзалтад оролцож буй АСЕАН-ы Ерөнхий нарийн бичгийн дарга Ле Луонг Минь-ийг өнөөдөр /2016.07.16/ хүлээн авч уулзав. Уулзалтын үеэр Азийн бүс нутагт улс төр, эдийн засгийн интеграцид оновчтой оролцох нь Монгол Улсын гадаад бодлогын тэргүүлэх зорилтуудын нэг болохыг Монголын тал тэмдэглэж, Зүүн Азийн дээд түвшний уулзалтад оролцох, АСЕАН-ы Яриа хэлэлцээний түнш болох манай улсын зорилтыг урагшлуулахад дэмжлэг үзүүлэхийг Ерөнхий нарийн бичгийн дарга Ле Луонг Минь-д хүсэлт болгов.

АСЕАН-ы Ерөнхий нарийн бичгийн даргыг Монгол Улсад ажиллах үеэр Монгол Улс, ERIA-гийн /АСЕАН болон Зүүн Өмнөд Азийн эдийн засгийн судалгааны хүрээлэн/ хооронд хамтын ажиллагааны баримт бичиг байгуулах боломжийг судлахаар тохиров.


Ерөнхийлөгч Ц.Элбэгдорж АСЕАН-ы Ерөнхий нарийн бичгийн дарга Ле Луонг Минь-ийг хүлээн авч уулзав  
Үзсэн: 2703 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй