Шууд Chart

"Ковид-19" вирус гадаргуу дээр хэр удаан хадгалагддаг вэ

2021-06-23 09:26:17

Коронавирус нь хөнгөн цагаан эдлэл дээр 2-8 цаг, мэс заслын бээлий дээр 8 цаг, даавуун дээр 24 цаг, ган, төмөр эдлэл дээр 2-3 хоног, мод, модон эдлэл дээр 2-4 хоног, шил дээр 5 хоног, цаасан дээр 5 хоног, хуванцар гадаргуу дээр 2-3 өдөр амьдрах чадвартайг тогтоосон байна.

Иймээс иргэн та гарцаагүй шаардлагаар гэрээсээ гарсан тохиолдолд юуг илүү анхаарах талаар дараах зөвлөгөөг хүргэж байна. Үүнд:

1. Гэртээ гадуур өмссөн гуталтай орохгүй байх

2. Нэг удаагийн маск, бээлий /нүдний шил/ хэрэглэсэн бол гадаргуунд хүрэлгүй авч, битүү зүйлд хийж хаях

3. Нүдний шил, малгай, гар цүнх, гар утас, гадуур хувцсыг тусгаарлах, ариутгах, цэвэрлэх

4. Гэртээ ороод нэн тэргүүнд гараа сайтар угаах

5. Худалдаж авсан бараа бүтээгдэхүүн, түүний сав баглаа боодлыг ариутгах

6. Жимс, хүнсний ногоог урсгал усанд сайтар угаах

Иргэн та дээрх зөвлөгөөг сахиж, аль болох гэрээсээ гарахгүй байж, гэр бүлээ коронавируст халдвараас хамгаалаарай. 

Коронавируст халдвараас урьдчилан сэргийлэхэд та юу хийж чадах вэ?

  • Гэрийн өдөр тутмын цэвэрлэгээ хийхдээ бүх гадаргууг халдваргүйжүүлэгч шүршигч болон нойтон сальфеткаар арчиж цэвэрлэх
  • Гараа бүлээн усаар 20 секунд орчим савандаж угаана.


"Ковид-19" вирус гадаргуу дээр хэр удаан хадгалагддаг вэ  
Үзсэн: 2763 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй