Шууд Chart

Өвлийн улиралд тохирох идээ ундаа

2022-11-25 11:24:23

Жилийн дөрвөн улиралтай манай орны хувьд цаг улиралтайгаа уялдуулан идээ ундаагаа сонгох, явдал мөрөө зохицуулах нь эрүүл мэндэд зайлшгүй чухал юм. 
 
Анагаах ухааны сурвалж бичигт “Амттай шимтэй идэш уушинд хэтэрхий шунахайран цээрлэлийг умартан үл тэвчвээс өвчин эмгэг нь үл мэдэгдэм нууц далдаар болох юм. Энэ нэгэн цагийн амттанд автагдаад зуу наслах биеэ бодолхийлсэнгүй явдал мөн тул юутай харамсалтай” гэсэн байдаг.
 
Өвлийн улиралд тохирох идээ ундаа
 
Өвөл амтлаг, исгэлэн, давстай хоол, үхрийн мах, цагаа, тослог хоол иднэ. Хоол унд багадвал тамир муудна. Бүлээн чанартай голдуу амьтны гаралтай хонь, үхэр, адууны мах, бурам, тос, давсалсан ногоо зэргийг цадтал идэж хэрэглэнэ.
 
Өвлийн улиралд баримтлах явдал мөр
 
Өвлийн цагт даарахаас сэргийлж, гэр орноо дулаан байлгаж, дулаан хувцаславал зохино. Гуя шилбээ дарсан үслэг дулаан пальто, өвдөг шагайнаас дээгүүр давсан гутал, үргэлж малгай өмсөж даарахгүй байх хэрэгтэй. Гүнжид болон үрийн тосоор биедээ иллэг хийж болно.
 
 
Эх сурвалж: НЭМҮТ

Өвлийн улиралд тохирох идээ ундаа  
Үзсэн: 3853 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй