Монгол Улсын хэмжээнд 436.5 мянган өндөр настан тэтгэвэр авч байна

Монгол Улсын хэмжээнд 2025 онд 436.5 мянган өндөр настанд 4.4 их наяд төгрөгийн тэтгэврийг олгосон байна. Нийт өндөр настны тэтгэвэр авсан иргэдийн тоо 2022 оноос 22.0 хувиар, 2024 оноос 3.5 хувиар тус тус өссөн байна.

Нийгмийн даатгалын сангаас олгосон сарын дундаж тэтгэврийн хэмжээ 2025 онд 871.6 мянган төгрөгт хүрч 2021 оноос 2 дахин, Нийгмийн халамжийн сангаас олгосон сарын тэтгэврийн хэмжээ 397.5 мянган төгрөг болж 2021 оноос 1.4 дахин өссөн байна.