СОР17: Өнөөдөр Цөлжилттэй тэмцэх тухай НҮБ-ын конвенцын Талууд сүүлийн хурлаа хийнэ

Цөлжилттэй тэмцэх тухай Нэгдсэн Үндэстний Байгууллагын конвенцын Талуудын 17 дугаар бага хурал (COP17)-ын сүүлчийн 12 дахь өдрөө үргэлжилж байна.

Өнөөдөр бага хурал эцсийн шийдвэрүүд болон тайлангуудаа баталж, дүгнэлтүүдээ танилцуулснаар хоёр долоо хоног үргэлжилсэн хурал өндөрлөнө.

Энэхүү шийдвэрээс Монгол Улс хийгээд Ази, цаашлаад дэлхий дахинаа цөлжилт, уур амьсгалын өөрчлөлтийг сааруулж, тэглэх арга хэмжээний цар хүрээг тодорхой болно.

СОР17 бага хурал өнгөрсөн өдрүүдэд “Газар ба хүн”, “Ус”, “Хүнс”, “Бизнес ба санхүү”, “Залуучууд” зэрэг сэдвийн хүрээнд дэлхийн өнцөг булан бүрийн төлөөлөл туршлага, шийдэл, байр сууриа хуваалцлаа.