Аврах ажиллагааны 34 удаагийн дуудлагаар ажиллаж, 24 иргэний амь насыг авран хамгаалав

НОБГ-ын Нийслэлийн Аврах анги-105-ын аврагчид энэ оны нэгдүгээр улиралд 34 удаагийн аврах ажиллагааны дуудлагаар үүрэг гүйцэтгэн, 24 иргэний амь насыг авран хамгааллаа. Дийлэнх хувийг зам тээврийн осол, цогцос гаргах, өндрөөс аврах ажиллагааны дуудлага эзэлж байна.

Аврах ажиллагааны дуудлагын тоог өнгөрсөн оны мөн үетэй харьцуулахад 38,1 хувиар буурлаа гэж НОБГ-ын Нийслэлийн аврах анги-105-аас мэдээллээ.