Баяр наадмын үеэр хүүхэд хамгааллын үйлчилгээг хамтран зохион байгуулж байна

Нийслэлийн Цагдаагийн Удирдах Газраас Нийслэлийн Гэр бүл, хүүхэд, залуучуудын хөгжлийн газартай хамтран Төв цэнгэлдэх хүрээлэнд хүүхэд хамгааллын үйлчилгээг хамтран зохион байгуулж байна.

Баяр наадмын хоёр дахь өдөр Төв цэнгэлдэх хүрээлэнд 13:30 цагийн байдлаар бага насны 450 орчим хүүхдэд эцэг, эхийн утасны дугаартай бугуйвч зүүж, санамж, зөвлөгөө өгч, эцэг, эхээсээ төөрсөн хоёр хүүхдийг олж, асран хамгаалагч нарт хүлээлгэн өглөө гэж НЦУГ-аас мэдээллээ.