Булган аймагт уул уурхайн чиглэлээр үйл ажиллагаа явуулж буй 10 аж ахуй нэгж 64.5 га талбайд нөхөн сэргээлт хийв

Булган аймгийн Бүрэгхангай, Дашинчилэн сумдад уул уурхайн үйлдвэрлэл эрхэлдэг 10 аж ахуйн нэгжийн техникийн болон биологийн нөхөн сэргээлтийн ажлын гүйцэтгэлтэй тус аймгийн байгаль орчин, аялал жуулчлалын газрын мэргэжилтнүүд танилцан газар дээр нь ажиллалаа.

Аж ахуйн нэгжүүд 64.5 га талбайд техникийн нөхөн сэргээлт, 33.75 га талбайд биологийн нөхөн сэргээлт хийсэн байна. Мөн дүйцүүлэн хамгаалах ажлын хүрээнд эвдэрч орхигдсон 31.7 га талбайд техникийн нөхөн сэргээлт хийж, 2 булгийн эхийг хашиж хамгаалж, “Тэрбум мод” үндэсний хөдөлгөөний хүрээнд 33100 ширхэг мод тарьсан байна.Эх сурвалж: БОАЖЯ