Булган аймгийн 3 сум Олон улсын чанарын менежмент хангасан гэрчилгээтэй боллоо

Олон улсын Чанарын менежментийн тогтолцоо-Шаардлага ISO 9001:2015 стандартыг нэвтрүүлэх, Булган аймгийн ЗДТГ-ын 2023 оны үйл ажиллагааг үнэлж, дүгнэх ажлын хүрээнд төрийн үйлчилгээний чанар, хүртээмжийг сайжруулах зорилгоор иргэдээс санал асуулгыг авч шаардлага хангасан сумдыг тодруулжээ.

Төрийн үйлчилгээ, Төр эдийн засаг, нийгмийн бодлогын удирдлагын ажиллагааны IS0 9001: 2016 чанарын менежментийн тогтолцоо шаардлагыг Хангал, Гурванбулаг, Дашинчилэн сумдын ЗДТГ хангаж, олон улсын стандартыг үйл ажиллагаандаа нэвтрүүлснийг Аймгийн Засаг дарга Б.Ариун-Эрдэнэ болон “Кю Сертф” компанийн удирдлагууд албан ёсоор гардууллаа гэж Булган аймгийн Засаг даргын Тамгын газраас мэдээллээ.