COP17: Цэнхэр бүсэд VENUE COC шуурхай удирдлагын төв ажиллаж байна

Цөлжилттэй тэмцэх тухай НҮБ-ын конвенцын Талуудын 17 дугаар бага хурал 8 дахь өдрөө үргэлжилж байна. COP17-ын Цэнхэр бүсийн үйл ажиллагааг хэвийн, тасралтгүй явуулах нөхцөлийг хангах зорилгоор VENUE COC шуурхай удирдлагын төв ажиллаж байна.

Тус төвөөс барилга байгууламж, эрчим хүч, хөдөлмөрийн аюулгүй байдал, техник тоног төхөөрөмж, мэдээлэл холбоо, харуул хамгаалалт, хоол үйлдвэрлэл, хүнсний эрүүл ахуй, цэвэрлэгээ үйлчилгээ, хог хаягдлын менежмент, ус хангамж, ариутгал халдваргүйжүүлэлт, эмнэлгийн яаралтай тусламж зэрэг Цэнхэр бүсийн өдөр тутмын үйл ажиллагааг нэгдсэн зохион байгуулалтаар ханган ажиллаж байна.

Олон улсын хэмжээний хурлын ард олон салбарын багийн уялдаа холбоо, шуурхай ажиллагаа тасралтгүй үргэлжилж байна.