Дулааны цахилгаан станцууд ажиллах хүчгүй, түлэх нүүрсгүй болсон гэв

МҮОНРТ-ийн “Монголын мэдээ” суваг үзүүлж байна. Эрчим хүчний салбар энэ онд 200 гаруй тэрбум төгрөгийн алдагдал хүлээх тооцоо гарсан байна. Төрөөс хүчээр үнийг нь барьж ирсэн эрчим хүчний үнэ тарифаас шалтгаалж нүүрсний уурхай, тээврийн компани болон цахилгаан станцууд ийнхүү хямралд өртөөд байгаа юм. Өнөөдөр монголчууд цахилгаан эрчим хүчээ зах зээлээс хоёр дахин бага үнээр хэрэглэж, нэг килограм эрчим хүчний нүүрсийг 33 төгрөгөөр хэрэглэж байгаа юм.