Гал түймрийн аюулаас 1.6 тэрбум төгрөгийн өмч хөрөнгийг авран хамгаалав

Нийслэлийн хэмжээнд энэ сарын 12-18-ны өдрүүдэд гал түймрийн 43, аврах ажиллагааны 11 буюу нийт 54 удаагийн дуудлага бүртгэгдлээ.

Дуудлагын дагуу Аврах анги, Гал түймэр унтраах, аврах ангийн алба хаагчид үүрэг гүйцэтгэн, гал түймрийн аюулаас 1.6 тэрбум төгрөгийн өмч хөрөнгийг авран хамгаалж, утаалжилтын бүсээс 36 иргэнийг гарган, аюулгүй байдлыг ханган ажиллав.

Дуудлагын тоог өмнөх оны мөн үеийнхтэй харьцуулахад 14.8 хувиар өссөн дүнтэй байна гэж нийслэлийн Онцгой байдлын газраас мэдээллээ.