ХЭҮК орон нутгаас нийт 135 гомдол, мэдээлэл хүлээн авчээ

Монгол Улсын Хүний Эрхийн Үндэсний Комисс 2023 оны нэгдүгээр сарын 1-ний өдрөөс 2023 оны есдүгээр сарын 1-ний өдрийн хооронд орон нутгаас нийт 135 гомдол, мэдээлэл хүлээн авснаас хуулийн хугацаанд шийдвэрлэсэн 111, тодорхой шалтгааны улмаас хугацаа хоцорч шийдвэрлэсэн 11, шалгах ажиллагаанд 13 гомдол мэдээлэл байна.

Ташрамд дурдахад, Хүний эрхийн Үндэсний Комисс нь Монгол Улсын 21 аймаг тус бүрд нэг референттэй бөгөөд эдгээр референт нь Комиссын хуулиар хүлээсэн чиг үүргийн хэрэгжилтийг орон нутагт зохион байгуулах, хэрэгжүүлэх, хамтын ажиллагааг идэвхжүүлэх ажлыг хариуцан ажилладаг гэж ХЭҮК-оос мэдээллээ.