Хулгайлах гэмт хэргийг хяналтын камерын тусламжтайгаар шуурхай илрүүллээ

Цагдаагийн байгууллагад 2023 оны 05 дугаар сарын 11-ний өдөр Нийслэлийн Сүхбаатар дүүргийн 12 дугаар хороо, Хангайн гудамжны тоот айлд “Хулгай орж эд зүйл алдагдсан байна” гэх дуудлага, мэдээлэл бүртгэгдсэн. Тус дүүргийн цагдаагийн газрын Хоёрдугаар хэлтсээс шалгалтын ажиллагаа явуулж тус тоотоос “Samsung” маркийн 42 инчийн зурагтыг 40 настай, эрэгтэй “Г” гэгч нь хулгайлсныг хяналтын камераар илрүүлэн, саатуулж мөрдөн шалгах ажиллагаа явуулж байна.

Иргэд та бүхэн өөрийн эзэмшлийн эд зүйлээ хулгайд алдахаас сэргийлж сонор сэрэмжтэй байх, сэжигтэй үйлдэл, этгээдийн талаарх мэдээллийг цагдаагийн байгууллагын 102 тусгай дугаарт цаг алдалгүй мэдээлэхийг цагдаагийн байгууллагаас зөвлөж байна.