Хүнсний ногооны тариалалт зорилтдоо хүрээгүй гэв

Тариаланчид үр тарианы тариалалтыг давуулан биелүүлсэн бол төмс, хүнсний ногооны тариалалт тавьсан зорилтдоо хүрээгүй байна. Тодруулбал, энэ онд нийт 400 мянган га-д тариалалт хийх төлөвлөгөөг Хүнс хөдөө аж ахуйн яамнаас гаргасан. Үүнээс улаанбуудайг 300 мянган га-д тариалахаар төлөвлөж давуулан биелүүлжээ. Харин ногоочид нийт 14 мянга орчим га-д төмс тариалах төлөвлөгөө гаргасан ч өнөөдрийн байдлаар 85 хувьтай байна. Хүнсний ногооны тухайд 8.7 га-д тариалахаас 65 хувийн гүйцэтгэлтэй байна гэж ХХААЯ-ны Газар тариалангийн бодлогын хэрэгжилтийг зохицуулах газрын дарга Ц.Болорчулуун хэллээ.