Маргааш “Олон улсын музейн өдөр”-ийг “Музейн хүч нөлөө” сэдвийн хүрээнд тэмдэглэнэ
1977 оноос эхлэн 40 гаруй жил “Олон улсын музейн өдөр”- ийг (International Museum Day) жил бүрийн 5 дугаар сарын 18-ны өдөр дэлхий даяар тэмдэглэн өнгөрүүлж байна.
Мэдээллийн алба
Олон улсын музейн зөвлөл (ОУМЗ, International Council of Museums - ICOM) 1977 оноос эхлэн 40 гаруй жил “Олон улсын музейн өдөр”- ийг (International Museum Day) жил бүрийн 5 дугаар сарын 18-ны өдөр дэлхий даяар тэмдэглэн өнгөрүүлж байна.
Монгол Улс “Олон улсын музейн өдөр”-ийг 2003 оноос хойш тэмдэглэж байгаа билээ. Энэ жил музейн өдрийг “Музейн хүч нөлөө” сэдвийн хүрээнд зохион байгуулна. Музейн өдрийн нээлтийн арга хэмжээ 5 дугаар сарын 18-нд буюу маргааш 11:40 цагт Монголын Үндэсний музейн задгай талбайд эхэлнэ.
Музейн тэмдэглэлт өдрийн хүрээнд Улаанбаатар хотод үйл ажиллагаа явуулж буй 10 гаруй музей олон нийтэд зориулсан үйл ажиллагаа, ном бүтээлийн үзэсгэлэн, урлагийн тоглолтыг нийтэд толилуулна.
