Нэг гэр бүлийн таван хүний амь насыг аварсан З.Эмүжинг Шударга журам медалиар шагналаа

Монгол Улсын Ерөнхийлөгч Ухнаагийн Хүрэлсүх ангийнхаа найз охин болон гэр бүлийнх нь дөрвөн хүний амь насыг аварсан З.Эмүжинг Шударга журам медалиар шагналаа.

Зуух, ханан пийшин хоорондох шавар холбоос нь хагарснаас найз Б.Ариунзаяа болон түүний гэр бүлийнхэн нь амиа алдах эрсдэлтэй байхад З.Эмүжин охин тэднийг сэрээж, амь насыг нь аварсан юм.

Сүхбаатар дүүргийн 18 дугаар хорооны иргэн Д.Ган-Утас, "Хоёр хүүхэд маань нэгдүгээр ангиасаа найзалж, нөхөрлөж байна. Ийм сайхан сэтгэлтэй, үерхэлдээ үнэнч хүүхэд олон байгаасай. Бидний амийг аварсан З.Эмүжиндээ, охиноо зөв хүмүүжүүлсэн аав, ээжид нь талархаад баршгүй. Үнэхээр их баярлаж байна. З.Эмүжин намайг сэрээж биднийг авраагүй бол юу болохыг төсөөлөхөд ч хэцүү, аюул болох байлаа" хэмээн хэлсэн байна.