Сэтгэл судлаачид 20 минутад бүрэн төвлөрч хүүхдээ сонсож, ажиглахыг зөвлөж байна

ЦАГИЙН ХҮРД: Манай хөтөлбөр энэ долоо хоногт гэр бүлийн харилцааны талаар сэдэв хөндөнө. "Ковид-19" халдварын эрсдэлээс сэргийлж хичээл, сургууль орохгүй байгаа энэ цаг үед эцэг, эхчүүд хүүхдүүддээ цаг зарцуулж, ирээдүйд нь эерэгээр нөлөөлөх боломж бүрэн байна. Сэтгэл судлаачдын тайлбарлаж байгаагаар та хүүхдэдээ өдөрт ердөө 20 минутыг зарцуулснаар гэр бүлийн харилцаанд мэдэгдэхүйц өөрчлөлт гардаг юм байна. Мөн урт хугацаандаа айл өрхийн амьдралын чанарт нөлөөлөх давуу талтай байдаг.