Шуурхай бүлэг Орхон аймагт ажиллаж байна

Улсын Онцгой комиссын даргын тушаалаар томилогдсон Шуурхай бүлэг Орхон аймагт ажиллаж байна.

Зам тээврийн хөгжлийн дэд сайд Ж.Бат-Эрдэнээр ахлуулсан Шуурхай бүлгийн гишүүд Ковид-19 цар тахлын дэгдэлтээс урьдчилан сэргийлэх, голомтыг хумих, хязгаарлах үйл ажиллагаанд мэргэжил, аргазүйн дэмжлэг үзүүлэн ажиллаж байна. Тус аймагт халдварын 13 тохиолдол бүртгэгдэж, аймгийн хэмжээнд иргэдийн хөдөлгөөнийг бүрэн зогсоогоод байгаа юм гэж Онцгой байдлын ерөнхий газраас мэдээллээ.