Төрийн алба хаагч иргэнтэй дансны мэдээлэл асууж, мөнгө шилжүүлэх талаар утсаар хэзээ ч ярихгүй

Сүүлийн үед иргэд рүү хуулийн байгууллагын нэрийг барьсан дуудлага ирж (Caller ID Spoofing) байна. Тухайлбал:

-“Та гэмт хэргийн хохирогч эсхүл холбогдогч болсон байна”,

-“Дансыг чинь царцаахаас өмнө мөнгөө өөр данс руу байршуул”,

-“Байгууллагын дансанд шилжүүлбэл аюулгүй” гэх зэргээр хуурч, иргэдийг хохироосон тохиолдол гарч байна.

Иймд Прокурорын байгууллагаас иргэдийг “Залилах” гэмт хэргийн хохирогч болохоос урьдчилан сэргийлэхийг уриаллаа.