Өвөрхангайн худалдаа үйлчилгээний газар 17:00 цаг хүртэл ажиллана

Өвөрхангай аймгийн онцгой комисс хуралдаж өнөөдрөөс эхлэн худалдаа үйлчилгээний газруудыг 17:00 цаг хүртэл ажиллуулахаар боллоо.

Мөн Улаанбаатар хот болон бусад сэжигтэй бүс нутгаас ирсэн 1800 гаруй иргэнийг гэрийн ажиглалтад шилжүүлж, тухайн өрхүүдийн хашааны хаалганд “ажиглалт 14 хоног” гэсэн бичгийг нааж, зөвлөгөө өгөн ажиллаж байна.

Өмнө нь нийслэлийн цагийн хуваарьтай ижил буюу 20:00 цаг хүртэл ажилладаг байсан аж.