Зочид буудалд байсан иргэдийг бүлэглэн дээрэмджээ
Энэ хэргийг шуурхай шалган, эрэн сурвалжлах ажиллагаа зохион байгуулж 16-25 насны дөрвөн хүнийг олж тогтоон, Баянгол дүүрэг дэх Цагдаагийн газарт шалгалтын ажиллагааг үргэлжлүүлж байна.
Мэдээллийн алба
Цагдаагийн байгууллагын 102 дугаарын утсанд энэ сарын 2-нд 08:11 цагт “Баянгол дүүргийн 5 дугаар хороонд байрлах зочид буудалд амарч байхад дөрвөн залуу орж ирж, биднийг зодоод, гар утас дээрэмдчихлээ” гэсэн дуудлага бүртгэгджээ. Уг мэдээллийн дагуу шалгахад 24 настай, эрэгтэй Б, 25 настай, эрэгтэй С нарыг тус буудалд амарч байхад нүүрээ ороолт, маскаар далдалсан хар өнгийн хувцастай 20-25 орчим насны үл таних дөрвөн эрэгтэй гаднаас орж зодон гар утаснуудыг нь дээрэмдсэн байжээ.
Энэ хэргийг шуурхай шалган, эрэн сурвалжлах ажиллагаа зохион байгуулж 16-25 насны дөрвөн хүнийг олж тогтоон, Баянгол дүүрэг дэх Цагдаагийн газарт шалгалтын ажиллагааг үргэлжлүүлж байна.
Дээрх хэргийн хохирогчдын биеийн байдлын талаар цагдаагийн байгууллагаас тодруулахад хэвийн байна гэв.
