Зочид буудлын салбарын орлого 83.4 хувиар өсжээ

Зочид буудлын салбарын орлого 2022 оны эхний 9 сард 266.4 тэрбум төгрөг болж, өмнөх оны мөн үеэс 121.2 (83.4%) тэрбум төгрөгөөр өсжээ. Үүнд 3, түүнээс дээш одтой буудлын орлого 90.1 (95.2 %) тэрбум төгрөг, зэрэглэлгүй зочид буудал болон амралтын газрынх 28.0 (58.8%) тэрбум төгрөгөөр тус тус өссөн нь голлон нөлөөлсөн байна гэж Үндэсний статистикийн хорооноос мэдээллээ.