10.2 га газрыг нийслэлийн тусгай хамгаалалтад авах тухай асуудлыг хэлэлцэв

“Үндэсний соёл амралтын хүрээлэн” ХХК-ийн бүтээн байгуулалтын ажилтай холбогдуулан Сүхбаатар дүүргийн нэгдүгээр хорооны нутаг дэвсгэрт НЗДТГ-ын эзэмшиж буй 10.2 га газрыг орон нутгийн тусгай хамгаалалтад авах тухай асуудлыг Нийслэлийн Засаг даргын зөвлөлийн хурлаар хэлэлцлээ.

Нийслэлийн Засаг даргын өнгөрсөн есдүгээр сарын захирамжаар “Үндэсний соёл амралтын хүрээлэн” ХХК-ийн эзэмшиж буй 31 га газраас 10.2 га газрыг НЗДТГ-т цэцэрлэгт хүрээлэн, ногоон байгууламжийн зориулалтаар эзэмшүүлсэн. Дээрх захирамжийн хүрээнд тус газрыг цэцэрлэгт хүрээлэн, ногоон байгууламжийн зориулалтаар ашиглах нөхцөлийг бүрдүүлэн тохижуулах зорилгоор орон нутгийн тусгай хамгаалалтад авах саналыг боловсруулжээ. Улмаар зөвлөлийн хурлаас тэмдэглэл гарч, НИТХ-д өргөн барьж, хэлэлцүүлэхээр боллоо.