1002 айлын түрээсийн орон сууц барих ажлыг ирэх хавраас эхлүүлнэ

Тодорхой хугацаанд түрээсэлж байгаад өмчлөх боломжтой “Түрээсийн орон сууцыг хөгжүүлэх төсөл”-ийг Нийслэлийн иргэдийн төлөөлөгчдийн хурлын тэргүүлэгчдийн хуралдаанаар хэрэгжүүлэхийг дэмжлээ. Ингэснээр 1002 айлын түрээсийн орон сууцыг барих ажлыг ирэх оны хавраас эхлүүлэх юм байна.

Нийслэлийн СХД-ийн 6 дугаар хороо, Ханын материал орчимд буюу хотын төвөөс 7,2 км зайд түрээсийн орон сууцны хотхоныг барихаар төлөвлөж байна. Энд 9, 12, 15 давхар орон сууц барихаас гадна 176 айлын нам давхрын сууц барих юм. Энэ талаарх мэдээллийн дэлгэрэнгүйг хүлээн авч сонсоно уу.