104 тарвага, хоёр ширхэг буу илрүүлжээ
Сонгинохайрхан дүүргийн нутаг 22-н товчооны замд Портер маркын автомашинаас 104 тарвага, бичиг баримтгүй Тоз-8 маркийн хоёр ширхэг буу илрүүлсэн байна.
Мэдээллийн алба
“Илрүүлэлт” нэгдсэн арга хэмжээ үргэлжилж байгаа. Энэ хүрээнд Замын цагдаагийн газрын Сонгинохайрхан дүүргийн замын цагдаагийн тасгийн зохицуулагч цагдаа, цагдаагийн ахлах ахлагч Д.Батчулуун, Хамгаалалтын 1-р газрын цагдаа цагдаагийн ахлах ахлагч Б.Лувсан-Осор, Нийслэлийн мэргэжлийн хяналтын газрын мэргэжил хяналтын улсын байцаагч Д.Батбаатар, СХД-ийн цагдаагийн 1-р хэлтсийн хэв журмын ажилтан Ц.Цэнд-Аюуш, Н.Ганбаатар нар өчигдөр Сонгинохайрхан дүүргийн нутаг 22-н товчооны замд Портер маркын автомашинаас 104 тарвага, бичиг баримтгүй Тоз-8 маркийн хоёр ширхэг буу илрүүлсэн байна.
