130 гаруй бүртгэлгүй барилгын бригад үйл ажиллагаа явуулж байжээ

Барилгын салбарын гол ажлыг нугалдаг мөртлөө бүртгэлгүй, ёс төдий гэрээгээр ажилладаг барилгын жижиг бригадуудыг бүртгэлжүүлэх ажлыг Монголын барилгачдын холбооныхон эхлүүлсэн байна.

Энэ хүрээнд одоогийн байдлаар 130 гаруй бригадыг бүртгэж авсан. Ингэснээр дээрх бригадад ажиллаж байгаа хоёр мянга гаруй ажилтны хөдөлмөрийн аюулгүй байдал, эрх ашгийг хамгаалах боломжтой болж байгаа юм гэж Монголын барилгачдын холбооны тэргүүн Б.Батбаатар тайлбарлалаа.