7 дугаар төвийн орчмын авто замын ажлын явц 82 хувьтай байна

Баянгол дүүргийн 17 дугаар хороо, 7 дугаар төв орчмын орон сууцны хороолол дотор шинээр барих 0.454 км авто замын ажил үргэлжилж байна. Тус авто замын зорчих хэсэгт орсон цахилгаан дамжуулах кабел шугам шилжүүлэх ажил шийдвэрлэгдсэн.

Мөн 4 цэгт Ф100 мм-ийн голчтой 12 хос цахилгааны нөөц сувагчлалын хоолой хийгдсэн. Одоогоор асфальт бетон хучилтын ажил хийгдэж байна. Ажлын явц 82 хувийн гүйцэтгэлтэй байна.